KALI ZA BONGO; YANGA KUMEKUCHA MFARANSA KASAINI, DODOMA KUWA NA UWANJA WA KISASA WA SOKA..

Jerome Dufourg

Baada ya taarifa za ujio wa kocha mpya Mzambia George Lwandamina na kujiuzulu kwa aliyekuwa koca wa timu Hans Van der Pluijm, Yanga imeendelea kufanya mabadiliko katika safu ya uongozi na kumleta Mtendaji Mkuu mpya Jerome Dufourg kutoka nchini Ufaransa, ambaye amasaini mkataba wa miaka mitatu.

 

 

Dufourg ambaye vile vile amewahi kufanya kazi katika Shirikisho la Soka Rwanda (FERWAFA) na klabu ya FC Talanta inashiriki Ligi Daraja la pili nchini Kenya anatarajiwa kuwasili jijini Dar es Salaam wakati wowote kuanzia leo kuanza kazi rasmi..

 

 

Mfaransa huyo mwenye umri wa miaka 30 anatarajiwa kutua jijini Dar es Salaam mwezi ujao na kuanza kazi rasmi Novemba 19 punde tu baada ya kumalizana na boasi wake, Yussuf Manji.

Dufourg anasifika kwa utendaji ulio bora katika sehemu zote alizopita na jukumu lake kubwa litakuwa ni kuhakikisha timu inakuwa na uwezo wa kujiendesha yenye kwa maana ya mapato ya klabu yazidi matumizi. 

 

                              STORI YA PILI;

 

 

 

RAIS wa Jamhuri ya Muungano wa Tanzania, John Pombe Magufuli amemwomba msaada Mfalme Mohammed VI wa Morocco kufadhili ujenzi wa Uwanja wa michezo mjini Dodoma utakaogharimu kiasi cha dola 80 milioni.

 

Ombi hilo ameliwasilisha leo wakati wa halfa ya kumkaribisha Mfalme huyo aliyekuja nchini kwa ziara ya kibiashara na tayari amekubali ombi la Rais Magufuli.

Ujenzi huo utaifanya Tanzania kuwa na viwanja viwili vya kisasa, Uwanja wa Taifa uliopo jijini Dar es Salaam unaoingiza watu 60,000 uliojengwa wakati wa uongozi wa Rais Mstaafu, Benjamini Mkapa na huo utakaojengwa Dodoma ambako serikali kuu inahamia.

Serika ya Magufuli inapaswa kuhamia mjini Dodoma kuanzia Novemba Mosi ambapo sasa miundombinu ya kisasa itapaswa ijengwe huko na si Dar es Salaam ambayo itabaki na ofisi za kawaida.