NEUER ANASTAHILI TUZO YA BALLON D'OR DINO ZOFF.

NGULI wa soka wa Italia, Dino Zoff anaamini Manuel Neuer anastahili kushinda tuzo ya Ballon d’Or lakini anafikiri kati ya Cristiano Ronaldo au Lionel Messi ndiye atachukua tuzo hiyo. Jumatatu Shirikisho la Soka la Dunia-FIFA lilitangaza orodha ya mwisho ya wachezaji watatu watakaogombe tuzo hiyo huku Neuer ambaye aliisaidia Ujerumani kushinda Kombe la Dunia akitajwa katika orodha hiyo. Zoff anafananisha kinyang’anyiro cha safari hii na kile cha miaka 40 iliyopita ambacho yeye alikuwa mshindi wa pili mbele ya Johan Cruyff aliyenyakuwa tuzi hiyo. Akihojiwa Zoff amesema Neuer ni kipa bora na anastahili kushinda tuzo hiyo lakini itakuwa ngumu kwake kutokana na wachezaji aliopambanishwa nao. Nguli huyo mwenye umri wa miaka 72 ambaye aliwahi kuwa golikipa wa zamani wa Juventus amesema jambo hilo liliwahi kumtokea yeye mwaka 1973 kwa kupangwa katika orodha hizo sambamba na Cruyff.