Jumamosi, 16 Januari 2016

Home / Unlabelled / NIMEKUWEKEA KAULI YA VAN GAAL VILEVILE TAKWIMU ZA KLOPP MBELE YA VAN GALL KUELEKEA MCHEZO WA LIVERPOOL DHIDI YA MANCHESTER UNITED.........

NIMEKUWEKEA KAULI YA VAN GAAL VILEVILE TAKWIMU ZA KLOPP MBELE YA VAN GALL KUELEKEA MCHEZO WA LIVERPOOL DHIDI YA MANCHESTER UNITED.........

by asantemuya on Januari 16, 2016

Boss wa Manchester United Louis van Gaal hatarajii kwamba itachukua miaka 26 ili klabu yake kutwaa ubingwa kwa mara nyingine tena.

United ilichukua miaka 26 kabla haijatwaa ubingwa wa ligi chini ya Sir Alex Ferguson mwaka 1993, sawa na klabu ya Liverpool ambayo itafikisha muda huo kama isipofanikiwa kutwaa taji hilo msimu huu.

“Sitegemei kama hilo litatokea”, amesema Van Gaal. Tupo kwenye kipindi cha mpito lakini tunamipango ambayo inaendelea vizuri.
Liverpool na Man United zitakutana kesho Jumapili kwenye mchezo wa ligi utaopigwa kwenye uwanja wa Anfield.

Van Gaal ameshinda michezo yote mitatu ya kimashindano ambayo amekutana na Liverpool, ikijumuisha ushindi kwenye uwanja wa Anfield msimu uliopita, tangu amekuwa manager wa United mwaka 2014.

Lakini ushindi mmoja kwenye mechi sita za ligi zinaifanya United kubaki nafasi ya sita, nafasi tatu na pointi tatu mbele ya Liverpool.

Kama watashindwa kupata ushindi kwenye dimba la Anfield itakuwa ni rekodi mbovu kutokea tangu msimu wa 1989-90.

“Unaweza kusema tumecheza chini ya kiwango kwasababu Manchester United inatakiwa kuwa kwenye timu tatu za juu kwenye ligi”, amesema Van Gaal.

Mholanzi huyo pia amesema, nahodha wake Wayne Rooney anahitaji kuendeleza rekodi yake dhidi ya Liverpool”.

Wayne Rooney anatakiwa kuvunja rekodi”, amesema Van Gaal. Na huwa nafurahi sana”.

“Anapofunga inakuwa rahisi kwangu, nimeweka pesa zangu zote kwa Wayne”.

Wakati huohuo mchezo wa Liverpool ambayo inamajeraha wengi katika kikosi cha kwanza dhidi ya Manchester united unatarajiwa kuwa na ushindani mkubwa kutokana na historia ya vilabu hivi Epl lakini pia ushindani huo utachagizwa na makocha wa pande zote mbili.

Kocha wa Liverpool mjerumani Jurgen Klopp kabla hajaifundisha Liverpool,alikuwa kocha wa Borussia Dortmund ya nchini Ujerumani,pia kocha wa Manchester United Muholanzi,Louis Van Gaal alishawahi kuifundisha Bayern Munich kwa maana hiyo ni makocha ambao wanajuana kimbinu tangu walipokuwa wakikutana katika ligi kuu ya Ujerumani.