N'GOLO KANTE EDEN HAZARD WAINGIA TOP 6 YA TUZO ZA PFA

NYOTA wa Chelsea, N'Golo Kante na Eden Hazard wameingia kwenye fainali ya kuwania tuzo ya Mwanasoka Bora wa Mwaka wa Chama cha Wachezaji wa Kulipwa (PFA).

 

Kante, ambaye aliingia pia Sita Bora mwaka jana kuwania tuzo hiyo akiwa anachezea Leicester City, mabingwa wa Ligi Kuu England, hakufanikiwa kufika Tatu Bora, lakini mwaka huu anapewa nafasi kubwa ya kushinda.

 

Wengine walioingia hatua hii ni Alexis Sanchez wa Arsenal, Zlatan Ibrahimovic wa manchester United, Romelu Lukaku wa Everton na Harry Kane wa Tottenham Hotspur.

 

Wakati Kane wa Tottenham akiingia hatua huyo, mchezaji mwenzake Dele Alli hayumo licha ya chipukizi huyo wa kimataifa wa England kufanya vizuri msimu uliopita.

 

Mchezaji mwingine ambaye anaweza kujiona ana bahati mbaya kwa kukosekana kwenye hatua hii ni mshambuliaji wa Sunderland, Jermain Defoe ambaye licha ya kuwa na umri wa miaka 34 sasa amewafungia mabao 14  Black Cats. 

WANAOWANIA TUZO YA MCHEZAJI BORA WA MWAKA WA PFA 

Alexis Sanchez (Arsenal)

Eden Hazard (Chelsea)

N'Golo Kante (Chelsea)

Romelu Lukaku (Everton)

Zlatan Ibrahimovic (Man United)

Harry Kane (Tottenham)