PELLEGRIN: TUTACHEZA VIZURI BILA TOURE

KOCHA wa klabu Manchester City Manuel Pellegrin amesema kuwa watacheza vizuri licha ya kumkosa kiungo Yaya Toure katika mchezo wa leo wa hatua ya 16 bora dhidi ya Barcelona utakaopigwa katika uwanja wa Etihad.

Yaya Toure atakosa mechi hiyo kutokana na kupewa kadi nyekundu katika mechi hatua ya makundi  dhidi ya Cska Moscow iliyopigwa tarehe 5 Novemba mwaka jana mjini Manchester

.

"Siku zote huwa ninapenda kumuona Toure katika kikosi changu,lakini tuliweza kucheza vizuri dhidi ya Bayern Munich na As Roma licha ya kukosekana kwake " alisema Pellegrini.

"James Milner yupo fiti asilimia mia,pia Wilfred Bony anaweza kucheza mechi yake ya kwanza ya Ulaya leo " aliongeza

Aidha kocha huyo alisema katika hatua kama hii ni muhimu kushinda mechi ya nyumbani ili kujitengenezea njia nzuri ya kufuzu hatua inayofuata.

Manchester City wanakibarua kizito cha kuwaridhisha mashabiki wake msimu huu na hii ni kutokana na timu hiyo kutolewa katika michuano hii na wababe hao wacatalunya katika hatua kama hii msimu uliopita.