"Tanzania
(Taifa Stars) ilifanya vibaya katika michuano ya Kombe la Mataifa ya
Kusini mwa Afrika (COSAFA) ilipofungwa kwa aibu katika hatua ya makundi
dhidi ya timu vibonde vya Kundi B; Swaziland (1-0), Madagascar (2-0) na
Lesotho (1-0)."
TANZANIA imeporomoka kwa nafasi 20 katika viwango vya ubora wa soka vya
kila mwezi vilivyotolewa na Shirikisho la Soka la Kimataifa (FIFA) leo.
Kwa mujibu wa mtandao rasmi wa FIFA, Tanzania imeporomoka kutoka nafasi
ya 107 iliyokuwa mwezi uliopita hadi nafasi ya 127 ambayo wamefungana na
Vietnam.
Uganda wanaendelea kuongoza Afrika Mashariki wakiwa wameganda nafasi ya
71 duniani wakifuatwa na Rwanda (94), Kenya (123), Tanzania na Burundi
(134).
10 bora barani Afrika imeendelea kuongozwa na Algeria ambao wameshuka
kwa nafasi moja duniani hadi nafasi ya 21 wakifuatwa na Ivory Coast
(24), Tunisia (29), Ghana (34), Senegal (36), Cape Verde (38), Nigeria
(43), Guinea (45), Congo (47) na Cameroon 49).
Ujerumani imeendelea kuiongoza dunia ikifuatwa na Ubelgiji waliopanda
kwa nafasi moja, Argentina, Colombia, Brazil, Uholanzi, Ureno, Uruguay,
Ufaransa na Hispania wanaokamilisha 10 bora ya dunia.
Nchini hizo vibonde vilivyoing'oa Tanzania COSAFA 2015 zimepanda katika viwango hivyo vya ubora huku moja ikiporomoka.
Swaziland imepanda kwa nafasi 14 hadi nafasi ya 162, Madagascar imepanda
kwa nafasi 37 hadi nafasi ya 113 wakati Lesotho imeshuka kwa nafasi
moja ikiwa nafasi ya 122.
Hakuna maoni:
Chapisha Maoni